* संगीत या क्षेत्राबद्दल आवड कशी निर्माण झाली?
- माझ्या कुटुंबात सगळेच कलाकार आहेत. माझे वडील एक उत्तम हार्मोनियम आनी बासरी वादक आहेत. माझ्या आजोळी सुद्धा म्हणजे माझे मामा किर्तन वैगरे करायचे. तस माझ नात या क्षेत्राशी लहानपनापासूनचं. पण मी कधी औपचारिक शिक्षण नाही घेतल. मी माझा हा छंद स्वतः जोपासत गेलो. मला लहानपणापासूनच सर्व वाद्यांबद्दल एकदम विलक्षण आकर्षण होते. मी बालगंधर्व रंगमंदिरात जायचो आणि विंगेत उभ राहून निरिक्षण करायचो, दिवाळीत कपडे-फटाके विकत न घेता त्या पैशांमधून वाद्य खरेदी करायचो. शाळा- महाविद्यालयांमध्ये संगीतविषयक कार्यक्रमात सातत्याने सहभाग घ्यायचो. प्रत्येक वाद्य मला वाजवता यायलाच पाहिजे या जिद्दिवर आणि निरिक्षणातून वाद्ये वाजवण्याचा सराव अशा कितीतरी गोष्टींनी आजवर मी घडलो आहे.

* संगीताव्यतिरिक्त तुला अजून कसली आवड आहे.
- संगीत हे तर माझं खूप आवडत क्षेत्र आहे. मी माझ्या महाविद्यालयात असल्यापासून गेली १३ वर्षे मी संगीत क्षेत्रात कार्यरत आहे. माझ्या घरी २५ पेक्षा जास्त वाद्य आहेत आणि त्यांची संख्या वाढतच चालली आहे. माझ्या घरी माझा स्वत:चा म्युजिक स्टुडिओचा सेट अप आहे. या व्यतिरिक्त मी लिखाण सुद्धा करतो.मी महाविद्यालयात असताना नाटकांच लेखन आणि दिग्दर्शन सुद्धा केल आहे. मी कवी सुद्धा आहे. आतापर्यंत मी मराठी, हिंदी, इंग्रजी अशा भाषांमध्ये २००हून अधिक कविता लिहिल्या आहेत. माझ्या “Be there for me” या इंग्रजी कवितेला आंतरराष्ट्रीय पुरस्कार मिळाला आहे. 'मनरंग मध्ये दोन गाणी आहेत जी मी स्वतः लिहिली आहेत. आणि १९९८ साली मी 'झी टि.व्ही वर 'गीत गाता चल' या गाण्याच्या कार्यक्रमात भाग घेतला होता आणि मी ती स्पर्धा जिंकली होती. गेली १० वर्षे मी स्टेज शो करतोय. तसेच 'बेवजह' या हिंदी अल्बमची रचना मी केली आहे. जो लवकरच प्रदर्शित होईल.

* 'मनरंग'ची निर्मिती कशी झाली? 'मनरंग' हे शिर्षक का योग्य वाटले?
- एकदा असच माझ्या डोक्यात आल कि अल्बम काढावा. आणि मी मुंबईत मित्रांसोबत असताना तो निर्णय पक्का झाला. मराठीत अल्बम काधायचा असं मी ठरवल. कारण माझ्या माहितीनुसार मराठी संगीतात नविन प्रयोग होत नाहीत. आणि मी माझ्या या अल्बम मध्ये तेच करण्याचा प्रयत्न केला आहे. तेव्हा माझ्या डोक्यांत शिर्षक बिल्कुलही नव्हत. या अल्बम मधल्या प्रत्येक गाण्यातून वेगवेगळ्या भावना व्यक्त होतात. जसे 'नको आज चंद्रा ढगाआड जाऊ' हे एक विरह गीत आहे, 'मनरंगाचे आभाळ निळे' ह्या गाण्यातून एखादी मुलगी स्वच्छंदी, मुक्तपणे बागडत आहे असा मुड निर्माण होतो. 'धडकन तू' हे जे गाणे आहे ते एखाद्या मुलाच्या तो प्रेमात पडल्यानंतरच्या भावना आहेत. 'ओली नशा' हे थोड रॉक टाईप गाण आहे. मला वाटत मराठीतल हे पहिल गाण आहे जे पूर्णपणे रॉक म्युजिकवर आधारित आहे. 'चंद्र उमलला सरल्या राती' हे गीत स्वतःचा शोध घेत असलेल्या व्यक्तिवर आधरित आहे... 'पाऊस आला' हे गाण ऐकताना सर्व बंधन तोडून बिनधास्तपणे पावसात नाचणा-या मुलीचा भास होईल.... थोडक्यात हे सगळे आपल्या मनाचे विविध रंग आहेत म्हणून मला 'मनरंग' हे नाव योग्य वाटले आणि आम्ही त्यापुढे एक छोटीशी ओळ वाढवली.. 'मनरंग! मनाचे रंग सुरांचे तरंग.. आय. टी मध्ये असूनही नॉन आयटी जीवनशैली असल्याने अनावश्यक खर्चाला फाटा देत संगीताशी असलेली नाळ कायम राखली, म्हणून मनरंग साकारता आला