'कुठे कुठे शोधू मी तिला', 'चिकट नवरा', ' सुना येती घरा',
'माणूस', 'चालू नवरा भोळी बायको', चतूर नवरा चिकणी बायको' या सारख्या चित्रपटाच्या
निर्मितीनंतर ए. राधास्वामींचा 'जय श्री सिद्धी विनायक चित्र'च्या बॅनरखाली
'चल लव कर' हा विनोदी चित्रपटाची निर्मिती त्यांनी केली आहे. केवळ निर्मितीच नव्हे
तर अंजली वळसगावकर या अभिनेत्री सोबतच 'सुना येती घरा' ह्या चित्रपटातून अंकुश
चौधरी व 'चालु नवरा भोळी बायको' या चित्रपटातून भरत जाधवला नायक म्हणून ब्रेक
मिळवून दिला. 'चतूर नवरा चिकणी बायको' या चित्रपटातून भरतला डबलरोल मध्ये प्रथमच
पडद्यावर आणलं. तसंच एक विनोदी अभिनेता ह्या इमेज मधून बाहेर काढून 'माणूस'
चित्रपटातून त्याला एका गंभीर भूमिकेतून प्रेक्षकांसमोर आणलं. ए. राधास्वामी यांनी
मराठी चित्रपटातून केलेल्या प्रयोगांना स्विकारत प्रेक्षकांनी चांगला प्रतिसाद दिला
आहे.
'चल लवकर' या चित्रपटाची कथा-पटकथा स्वतः ए. राधास्वामी ह्यांचेच असून
संवाद प्रताप गंगावणे ह्यांचे आहेत. संगीत अनिल मोहिले ह्यांच असून छायाचित्रण
चारुदत्त दुखंडे ह्यांचे आहे. 'खबरदार' , 'जबरदस्त' या चित्रपटांनंतर भरत जाधव आणि
संजय नार्वेकर या जोडगोळीची करामत या चित्रपटातून पहायला मिळणार आहे.या
दोघांसोबत या चित्रपटात सोनाली कुलकर्णी, स्मिता शेवाळे, विजय चव्हाण, नयना
आपटे, आनंद अभ्यंकर, किशोरी अंबिये, मैथिली वारंग या सारख्या आघाडीच्या कलाकारांचा
समावेश आहे. आता हा मल्टीस्टार, संगीतप्रधान कौटुंबिक विनोदी चित्रपट ३ जुलैला
प्रेक्षकांची करमणूक करण्यासाठी प्रदर्शित होत आहे.
