विलंबाने विकास होणार्‍या तसेच ज्यांची विशेष काळजी घ्यावी लागते अशा (स्पेशल चाईल्ड) मुलांचे प्रशिक्षण आणि त्यांचा विकास करणारी शाळा गेली सुमारे सहा दशके चित्रपटसृष्टीत असलेल्या देव कुटुंबियांच्या वतीने मुंबईतल्या अंधेरी पश्चिम भागात सुरु केली जात आहे. सुशीलाबाई नानासाहेब देव चॅरिटेबल ट्रस्टच्या वतीने 'ए़कॅडमी ऑफ लर्निंग ऍन्ड डेव्हलपमेन्ट' चालविली जाणार आहे.

या अकादमीत संवेदना, श्रवणक्षमता, घ्राणेंद्रियांचा प्रभाव, विचारांचे सुनियोजन, अधिक प्राणवायूचा प्रभावीपणे उपयोग करायला लावणे आणि या सगळ्यांच्या क्षमता वाढवण्याचा सराव व त्याचबरोबरच योगाच्या साह्याने उपचार केले जाणार आहेत.

घरातून सुरु झालेले प्रयत्न आज समाजाला उपयोगी पडणार्‍या अकादमीच्या रुपाने मूर्तरुप धारण करतायत. याची रितसर घोषणा रविवारी अंधेरीतल्या संस्थेच्या कार्यालयात करण्यात आली.
 

Tags: Ajinkya Deo, Seema Deo, Ramesh Deo, Academy Of Learning And Development, Sushilabai Nanasaheb Deo