लोकप्रिय मालिका 'मन उधाण वार्याचे' ही संपली असून स्टार प्रवाह वाहिनी आता आपल्या
दर्शकांसाठी आणत आहे 'दोन किनार...दोघी आपण', आई आणि मुलीच्या प्रेमाची
हृदयद्रावक कथा..... ३ ऑक्टोबरपासून दर सोमवार ते शनिवार संध्याकाळी ७ वाजता.
ही कथा आहे तनया, साधना आणि अस्मिता यांच्यामधील अनेक पैलू असलेल्या नातेसंबंधांची.
तनया (त्रिशाला शाह) ने आपले अख्खे बालपण आपली आई अस्मिता (किशोरी शहाणे) च्या
प्रेमाविना घालवले. अर्थात आपल्याला
जन्म देणारी आपली आई अस्मिता नसून साधना (सुचित्रा
बांदेकर) आहे ह्या सत्यापासून ती वंचित आहे. अस्मिताला तनया आपल्या डोळ्यांसमोरही
नकोशी झालेली असताना तनयाची खरी आई साधना तनयाचा शोध घेत असून तिला आईचे प्रेम
देण्यासाठी आसुसलेली आहे.
जेव्हा ह्या तिघी एकमेकींसमोर येतील तेव्हा काय होईल? साधना आपली खरी जमदात्री आई
आहे हे सत्य तन्याला कधी कळेल का? काय अस्मिता तनयाला कधी आपल्या मुलीसारखी वागवेल?
काय साधना तनयाला शोधून तिला सत्य सांगू शकेल? आपले खास कथानक आणि संयोजनासह 'दोन
किनारे ... दोघी आपण ही मालिका ह्या सर्व प्रश्नांची उत्तरे शोधेल.
