'झी मराठी' वरील 'सारेगमप....लिटील चॅम्पसच्या अंतिम फेरीत कार्तिकी गायकवाड, आर्या
आंबेकर, रोहित राऊत, मुग्धा वैशंपायन आणि प्रथमेश लगाटे हे लिटील चॅम्पस पोहचले होते.
त्यामध्ये आपल्या वेगळ्या गायन शैलीने परिक्षकांसोबतच संपूर्ण महाराष्ट्राला वेड
लावून लिटील चॅम्पचा किताब पटकावणारी, आळंदीची कार्तिकी गायकवाड आता मराठी
चित्रपटासाठी पार्श्वगायन करणार आहे.
'यमाच्या गावाला जाऊया या सामाजिक संदेश देणार्या विनोदी चित्रपटातील 'घोर मनाला
लाऊ नका...तुमच्या साथीला आम्ही आहो ना बाबा.....जहर खाऊ नका' असे हे गाणे शेतकर्यांनी
आत्महत्या करु नये याकरीता निर्माते ज्ञानेश वाकुडकर यांनी लिहीले असून सुप्रसिद्ध
संगीतकार मिलिंद इंगळे यांनी संगीतबद्ध केले आहे.
