'सिल्व्हर ऑटम प्रॉडक्शन' च्या बॅनरखाली तयार होत असलेला 'पिकनिक' यावेगळ्या धाटणीच्या थरारपटाची कथा- पटकथा -संवाद निर्माते हृषिकेश मोरे यांनीच लिहिले आहेत व चित्रपटाचे दिग्दर्शन गिरीश मोहिते यांनी केले आहे. नाविन्यपूर्ण शीर्षक असलेला 'पिकनिक' चित्रपट सध्याच्या तरुणाईला आवडेल असा बनविण्यात आला आहे.

मैत्री हा सगळ्यांच्याच जिव्हाळ्याचा विषय. चार जिवलग मित्रांची आणि त्यांच्या मैत्रीची कथा सांगणारा एक आगळावेगळा मराठी चित्रपट सध्या आकार घेतोय. तारुण्याच्या उन्मदाता, आयुष्यातला प्रत्येक क्षण झोकून देत जगणा-या या चार मित्रांच आयुष्य कसं अनपेक्षित वळण घेतं. याच मित्रांचं आयुष्य कसं अनपेक्षित वळण घेतं याचं चित्रण आगामी 'पिकनिक' या चित्रपटातून होत आहे.

या चित्रपटात संतोष जुवेकर, सुशांत शेलार, राहुल मेहेंदळे आणि सई ताम्हनकर हे प्रमुख भुमिकेत आहेत.